訓到兩點肥狗打黎話游水

咁就用左我寶貴o既一日假期

同班粉腸蛋散出左清水二灘

其實我係為左"目及"女而游水

結果今日失望而回

見到d 上圍28 吋o既著比堅尼.....

腰圍38 吋o既又著比堅尼..........

大肚婆都著比堅尼..............好重口味sosad

最正係個阿叔著住條T-back

仲要昂首闊步咁...呢d 咪自信囉

我仲發現到

o個d 左青龍, 右白虎, 老牛在腰間o既大漢

身邊一定係有好多女

好似幅圖案愈大幅就愈有利

我都考慮下整幅世界地圖o係背脊

尋晚BRIAN 搞生日

我獻出左我o既處男下海之作

雖然有d 樣衰, 不過處男係咁上下啦

原來寫字都係一門高深o既學問

最後個檔就俾我搞到咁

同陳小姐黐埋一齊成個禮拜

琴晚終於強勢回歸

基本上成個禮拜都係食, 訓同埋hea

不過都做左樣有益身心o既活動

旁人都對呢位肥仔o既行為為之側目

面對當年情...真心說句...

小城故事多~~~~

好似我地呢d 生活壓力咁大o既都市人

間唔中搞下呢d 活動都唔錯

最衰有人因為唔識游水而拒絕去游水, 如果唔係就更fit

之後去左新濠天地行下

途中經過皇冠o個陣發覺已經唔係皇冠, 變左新濠鋒

跟住新濠天地側邊又多左間皇冠...好confuse...

......我係馬德鐘...我係蔡少芬...

.....講返新濠天地

個天幕應該花左唔少錢去搞, 值得一睇

仲有d 靚女棟o係度同人影相, 唔錯

..............唔想返工添